DADA - DRIDRA

 

DADA

  • Ny tsinjaka maro mahay fa ny Dada no sarotra ianarana.
  • Hianao no dobo solom-pitaratra, sy felan-tanan’ny ory, sy totohondrin’ny osa, tranobe fihantonan’ny amponga, Dadan’ny maro.

DAKA

  • Mitery omby tsy mirohy hoatra an-dRabemalo, ho fatin’ny Daka no farany.

DAKAM-BORIKY

  • Dakam-boriky ka indray mientana ihany.

DAROSY

  • Ny an’Iketaka no Asian-dro, k any an’I Darosy no mangeningenina.

DEDAKA

  • Dedaka maty ondry nefa tsy manome Rafozana.

DIA

  • Tsy ny Dia manendrika no atao, fa izay hazakazaka an-tsena foana no aseho.
  • Ny Dia atao ny lalana ho any Mahaviky.

DIAMANGA

  • Diamangan-dRainisima, ny lavo mitsilany voa vao manala vava.
  • Diamangan’Ambohimanarina, ny mpitan-damba avy no voa.

DIAMANGAM-BOKA

  • Diamangam-boka, hehy no farany.

DIAN’ANDRIANA

  • Mitombo an-dalana hoatra ny Dian’Andriana.

DIA-NIFY

  • Banga nanaiki-koditra, tsy hita izay Dia-Nify.

DIAN’OMBY

  • Mpirahalahy mizara Dian’Omby, tsy vaky fa mitsiatra.
  • Manao Dian’Omby jamba, ka mivarina ihany.

DIAN’ONDRY

  • Maika tsy faingana toa Dian’Ondry.

DIAVINA

  • Dovidovy endrika ka tian’ny olona hoharatsiana, ary amboalambo tarehy, ka tian’ny kabary Diavina.

DIAVOLANA

  • Mpamosavy vao mpianatra, ka mandeha Diavolana.
  • Mitoto vary Diavolana k ate-hoderain’ny akoho.
  • Tanora nahita Diavolana, ny an-tanana aza tsy zaka.
  • Totohondry Diavolana, ny mazavaray ihany no voa.

DIDIMASO

  • Didi-maso asiana ody, mahareta fa hihavian’ny soa.
  • Didi-maso miditra am-paty, torana alohan’ny malahelo.
  • Didi-maso mitsapa alahelo, ka ny volo hivaha no sisa.
  • Didi-maso mitomany, ny vava ihany no sokafana dia vita.
  • Mitomany tsy vonoina hoatra ny Didi-maso.
  • Didi-maso an-danonana, mitomany mahita ny soa.
  • Didi-maso tsara ondana, matory manana aretina.
  • Didi-maso human-jabora ka samy fotsifotsy be ihany.
  • Didi-maso maro anaka, tsy mahita ny efa nihinana.
  • Fararano vao Didi-maso, vokatr’ovy vao vilam-bava, voky vomanga vao be lohalika.
  • Reniboto no lem-paka kitay, ka Ratsaramihanta no Didi-maso.

DIDIN’ANDRIAMANITRA

  • Ny Didin’Andriamanitra tahaka ny masoandro avy andrefana mitsidika isam-baravarana.

DIDY HENA

  • Didy henan’ny dombo antsy, botraika no sisa manapaka azy.

DIHY

  • Dihin’Imonta, ny tsy manao no menatra.
  • Dihin-dRazihizihy sady tsy hirebika no tsy hanipy sandry fa eo no mihonikonina foana eo.
  • Dihin-dRenibozy, ka raha tsy mahavaky takotra tsy mijanona.
  • Kitsikitsika tompon’ny Dihy, vivy tompon’ny rano.
  • Dihy ambony mololo, mihevotrevotra tsy mahay.
  • Dihin’ny tongilan-katoka, ny ilany ihany no voajery.

DILAMBATO

  • Aza ny tarehiny mavomavo no izahana fa ny havany any Dilambato.

DINA

  • Kitsikitsika tsy lao lanitra, laza tsy leo Dina.

DINIKA

  • Tsy mba nijery, tsy mba nandinika, nony tonga any an-trano vao nihisitrisitra.

DINTA

  • Tsingala sy Dinta, raha miray trano loza, ary raha mifanaikitra antambo.
  • Tsingala sy Dinta, samy isorohana ihany ny lohany sy ny vodiny.
  • Manaiki-dany roa toa Dinta.

DISO FARIHY

  • Tsiriry Diso Farihy va hianao no miboboka ranon-tambiazina.

DISO LEVENANA

  • Aza malahelo Diso Levenana, fa ny faty mbola ho be.

DITRA

  • Andriamatoa mihanta ny Ditra, faralahy mandatsa ny nenina.
  • Voadidin’ny Ditra ka loharaoky ny nenina.
  • Ny Ditra any an-tampon-doha, fa ny nenina any am-paladia.
  • Ny Ditra mahakely ray.
  • Ny Ditra mameno tanàna, fa ny nenina mamarina an-kady.
  • Raha Ditra no atao, izaho manambe noho hianao.

DOBO

  • Tsikovoka an-Dobo, matavy tsy mifahy.
  • Antsibe latsaka an-dobo, raha ilaozana harafesina.
  • Raha Dobo tsy sahy siny aho, dia miketraha ho renirano.
  • Hianao no Dobo solom-pitaratra, sy felatanan’ny ory sy totohondrin’ny osa, tranobe fihantonan’ny amponga, dadan’ny maro.

DOKA

  • Izay tia Doka, maty aloha eo ambavahadin’ny fahavalo.

DOKO-DAHY

  • Doko-dahy nisasa, ny tseroka no afaka, fa ny hamaintisana tsy miova.

DOKOTRA

  • Dokotra human-kabakabaka, human-java-tsy mahavoky ny tena.

DOMBO

  • Didy henan’ny Dombo antsy, botraika no sisa manapaka azy.

DORA

  • Masaky ny Dorany, mangatsiaky ny hambony.

DOVIDOVY ENDRIKA

  • Dovidovy Endrika ka tian’ny olona haratsiana, amboalambo tarehy, ka tian’ny kabary hodiavina.

DIDRA

  • Didran’Isoamanaraka, asiana ody vao mitatra.
  • Aza manao Didran’Ingilo, ka efa marimaritra avy no mbola itarainana.

DIDRALAHY

  • Tari-tafi-dRainingory, ny sisa tsy maty dia Dridralahy.

Créer un site gratuit avec e-monsite - Signaler un contenu illicite sur ce site