V - Z

VADY

  • Ny tany no Vadiben’ny Zanahary, mihary ny velona, manotrona ny maty.
  • Asda Vadi-drano tsy vita tsy hifanakonana.
  • Ny faty mpanazakazaka, ny aretina Vadin-koditry ny olombelona.
  • Tandra Vadin-koditra.
  • Adala Vady renianaka,ka mirakitra an-karon-doa-body.
  • Very famoriana toy ny maty Vady renianaka.

VAHATRA

  • Very Vahatry ny aina toy ny maty zanaka lahimatoa.

VAKINY IRAY

  • Salasala ity: vaviantitra roa no maty, ka Vakiny iray no fialana.

VAKY

  • Manana anjara ratsy toy ny fantaka manompo vao Vaky loha.
  • Dia saotra no atao anareo, mba tsy ho Vaky lovia fararano, tsy ho banga voka-katsaka, tsy ho tapa-tsalaka vory vahoaka.
  • Aleo maty olo-malaina toy izay Vaky vilany mianefitra.

VALALA

  • Valalan’amboa ka ny tompony aza tsy tia.
  • Hianareo no natao Valala fiandry fasana, natao vorompotsy tsy mandao omby.
  • Aiza no dia ho anao avokoa, ny Valala manatody sy ny fandria-maraina.
  • Sambo-balalan-dRaivondeso, mbola any an-danitra ka siahina, tsy mbola azo ka Valalan-janako.

VALA

  • Ny ranomasina no Valam-parihiko.
  • Valam-parihy tsara hatsaka, na kely aza mitety toran-kovitra ihany.

VANDANA

  • Fandrik’akanga nahavoa mandotra, ka  ny Vandan-tsy izy no voa.

VANO

  • Ao ihany ny Vano nitsaingoka ny sahona.

VANY

  • Mitady izay tsy hihavanana, ka mangata-pary iray Vany.

VARITELOVENTY

  • Mahabe sentosento hoatra ny farikelim-bariteloventy.

VAROTRA

  • Varotr’Imampiadana, ho eo ihany ka ilaozany misiona.
  • Varotra amin-dRenidona, sady vary no vola.
  • Ny leon’ny azy no manao Varo-boba.
  • Varo-bomangan-dRenisoa, enti-mihazakazaka poritra, entina miadana tsy mahatratra tsena.
  • Varo-bomangan-dRenitsiambizo, mafana tsy lafo venty, masiso vao lafo iraimbilanja.
  • Varo-tako-dRainitsilombonina, ny tompony indray no mifandrombaka.
  • Tsy Varotr’alika io ka ndeha hifanerena.

VARY

  • Ny alahelo toy ny Vary an-tsompitra, ahafahana iray fatambary isan’andro, ka levona ihany no farany.

VASOKA

  • Botry homan-kerotra, Vasoka homan-kitoza.

VATO

  • Hono ry Andrian-tsy vahoaka, ny ombilahy va no miady sa ny Vatobe no mikorontana? Tsy ny Vato no mikorontana, tsy ny ombilahy no miady, andriantiazaza no maty.
  • Niolaka ny Vato aho novatoiny, niolaka ny hazo aho nohaminy, maty Ikakibe vao navelany aho.
  • Izaho no ataonao Rafotsibe manoham-bato.

VAVA

  • Didimaso mitomany, y Vava ihany no sokafana dia vita.
  • Toram-poana tahaka an-dRangahy Andriandambo, nolalovan’ny vava basin-dRabevitsika.
  • Vava basy ny idirany no ivoahany.
  • Aza manao Vavan’ny maty an-drano.
  • Lamba somizo natohy loha, ny kibo dia efa namoy fa Vava tsy ratsy no sisa.

VAVY

  • Ny Vavy no fahanana ka  ny lahy no voavely loha.
  • Mivarahontsana hoatra ny Vaviantitra mandre faty lavitra.
  • Salasala ity : Vaviantitra roa no maty ka vakiny iray no fialàna.

VAVOLOMBELONA

  • Vavolombelon’ny maty ny maimbo.
  • Vavolombelon’ny mpiasa ny bainga voavadika.

VAZAHA

  • Malagasy mivaro-basy amim-bazaha, ka  ny avy any aminy ihany no averina.

VAZINA

  • Razavozavo sy Raerikerika, mandina miara-mandina, vazina miara-bazina.

VEHIVAVY

  • Ny Vehivavy fahatelontanana fa indroantokon-kevitra.

VELONA

  • Ilay mievina am-paty, sady tsy homba ny Velona no tsy homba ny maty.
  • Ny tany no vadiben’ny Zanahary, mihary ny Velona, manotrona ny maty.
  • Maty iray fasana, Velona iray trano.
  • Ny maty fonosin-dambamena fa ny Velona arahim-potsimbary.
  • Ny maty no mampalahelo fa ny volomason’ny Velona mitsiratsiraka ihany.
  • Ny maty no resy fa ny Velona manao tondra-dro.
  • Akala-mitoetra aho, raha mihohoka an’ny Velona far aha mitsilany an’ny maty.
  • Tsy maty hafoy fa Velon-kantenaina.
  • Ny maty handry toy ny vovoka, fa ny Velon-kihinana tahaka ny olona.
  • Aleo maty hafoy toy izay Velon-kijaly.

VELY MANTA

  • Tefy angadin-dRainimanankiarana, ny tsy masaky ny antsoro atao Vely Manta, ary nony mivarotra dia ny masak’arina no alaina.

VENTINY

  • Anantsongan’Ilambo sy potik’Izakamanana, somidi-dro, fa tsy hita Ventiny.

VENTY

  • Varo-bomangan-dRenitsiambizo, mafana tsy lafo Venty, ka masiso vao lafo iraimbilanja.

VERY

  • Alahelo fararano, ka Very Dian’ny havokisana.
  • Mody amin’ny laoniny hoatra ny andevolahy Verin-trosa.
  • Ny hadino no maha Very ny entana.
  • Very an-trano hoatra ny fanjaitra.
  • Very sasaka, Very fahatelo hoatra ny ro sotroin’ny sima.
  • Very famoriana, toy ny maty vady renianaka.
  • Very fanahy mbola velona tahaka ny valala voatango.
  • Very fihantana toy ny maty ray aman-dreny.
  • Very sasaka toy ny fihinam-boka.
  • Very sasaka hoatra ny fotsimbary anaty haron-kerana.
  • Very vahatry ny aina toy ny maty zanaka lahimatoa.

VESANY

  • Ny avonavona toy ny entan’anivona, ny Vesany leo ihany fa ny enjinenjiny no tsy toha.

VETIVETY

  • Fanasina ve aho ka ho levona Vetivety.

VIKINA

  • Tsy hita hanamparana hoatra ny Vikina ambany farafara.

VILAM-BAVA

  • Vokatr’ovy vao vilam-bava.

VILANY

  • Vilanin’Ikarenina, ny malady pohina, ny marenina pohina.

VINTANA

  • Ny faniriana tsy takatry ny Vintana.

VITA

  • Didimaso mitomany, ny vava ihany no sokafana dia Vita.
  • Vita ho azy hoatra ny vady naterin-dRafozana.

VOA

  • Diamangan-dRainisima, ny lavo mitsilany Voa vao manala vava.
  • Voaira izy, hoy Ibango nangala-poly.
  • Hady vomangan’Ikirijavola, ny voamasony ihany no potserina.
  • Fanambadian’Imanontalahy, ariary no vodiondry ka Voamena no fahatelontanana.
  • Vato an-tanimbary, na tsy Voan’ny antsy amin’ny fararano aza, ho tratry ny angady amin’ny lohataona.
  • Bolokilahy homam-boantseva, fy ny atsy mamy ny aroa.
  • Any Ambongo no maty ka ny aty no Voasiotsioka.
  • Very fanahy mbola velona tahaka ny valala Voatango.
  • Renimahaimanana no Voatora-trano, ka Rainikotoamboa no lava kiho.
  • Ny vavy no fahanana ka ny lahy no voavely loha.

VOAY

  • Bararata’i Nanja, raha tsy pararetin’ny mamba, pararetin’ny Voay.

VODY

  • Vodiadin’ny ditra ka loharaoky ny nenina.
  • Lahy antitra kendam-body akoho, mahazo fanjakana vao mivadiboamaso, tong any valim-pitia vao voa totohondry any an-katony.
  • Fanambadian’Imanontalahy, ariary no Vodiondry, ka voamena no fahatelontanana.
  • Ny ray aman-dreny toy ny Vody fahitra, na soa na ratsy lazaina avokoa.

VOHAINA

  • Raha ondrin-dRabetsirava no mitondraka, Vohay fa ondrin-kavana; far aha ondrin-dRainimanira no mitondraka orosy ny rambony sy ny sofiny.

VOINA

  • Aza atao hoe, may ity trano atsimo ka asa azy fa voin-kava-mahatratra.
  • Voin-tenanao tsy namangy, fa ny aretiko sitran-tsy miody.

VOKATRA

  • Dia saotra no atao anareo, mba tsy ho vaky lovia fararano, tsy ho banga nify Voka-katsaka, tsy ho tapa-tsalaka vory vahoaka.
  • Vokatr’ovy vao vilam-bava.

VOKY

  • Ny manam-panahy mody voky fa ny adala mandrapaka ihany.
  • Manakodi-by mahandro fanjaitra, Voky ihany fa manevitevika.
  • Voky vomanga vao be lohalika.

VOLA

  • Lany foana hoatra ny Vola’I Nambinina.
  • Varotra amin’I Ranidona, sady vary no Vola.
  • Sodin-drofian-dRainilaizafy, midina lany Volafolo, miakatra lany fatotra amam-pondrana.

VOLO

  • Dodimaso mitsapa alahelo, ka ny Volo hivaha nosisa.
  • Tsikovoka sy fandiorano, Volo no iraisana, fa  ny fomba samy manana ny azy.
  • Ny maty no mampalahelo, fa ny Volomason’ny velona mitsiratsiraka ihany.
  • Volom-bodin’akoholahy folaka, ny vava no manitsy.
  • Volom-bodin’akoholahy, izay ihoronan’ny maro mba hihoronany.
  • Volom-bodin’akoholahy, ny mitoetra any am-bodiny indray no malaza.
  • Amboakelin-dRazakabezafy, omen-dranombary tsy mety, k any Volom-bodin-trano no lelafina.
  • Aingaingao ray Volom-body, fa ny elatra hanidina tsy misy.
  • Mandihy be Volon-kelika, mahay manan-tsiny, tsy mahay manam-pondra.

VONY

  • Androngo milanja Vonin’avoko, ny mihinana tsy toy inona, fa ny mielo mena no tsy tanty.

VONJENA

  • Tefy vilian-dRainiraony, ny an’olona Vonjena, ka  ny an’ny tena atao tofefi-katoka.

VONO

  • Mitomany tsy Vonoina hoatra ny didimaso.

VORONA

  • Aza mety hambosin’Ikotofankaota, Vorombe samba, fahatelobe tsy mampanana.
  • Ny takatra no mahavita trano, ka  ny Vorondolo no mibohy.
  • Tranon-takatra nidiram-Borondolo, simban’ny olon-dratsy ny olon-tsy vanona.

VORY VAHOAKA

  • Ny fahalainana hoatra ny aretin’androbe, Voery vahoaka vao manala-baraka.
  • Tono vomanga Vory vahoaka.
  • Dia saotra no atao anareo, mba tsy ho vaky lovia fararano, tsy ho banga nify voka-katsaka, tsy ho tapa-tsalaka Vory vahoaka.

VOTSOTRA

  • Ny antenaina tsy misy, ny an-tanam-botsotra.

VOZONA

  • Eranambatry tsy ampy Vozon’akoho no manefa.
  • Famaky tsy omem-Bozon-kena, ny tompony no tsy izaran-kenamaso.

ZANAKA

  • Raha samy ho faty ihany, aleo maty ny Zanak’anabavy.
  • Miakanakana hoyRainifandrotrarana, ka  ny Zanak’anabavy no atao sapaoritra.
  • Tompony mba mihono toa Zanak’anabavy.
  • Zanak’Andriana tsy ampianarin-kabary.
  • Ny Zanak’omby no mimamà, manina an-dreniny.
  • Zanak’omby tsy ampianarin-domano.
  • Ondrin’Ibesa, raha maty soloana, raha miteraka tsy omena azy ny Zanany.

ZARA

  • Hady voangorin’Ifiadanamanga, Zara fa tsy ny lohany no voa.
  • Ny fahafatesana tsy mba heloka fa Zara hetra.
  • Ny hazo no lavo, ny Zaram-pamaky mody andaniny.

ZATOVO

  • Zatovo mandry maraina, bongo maso vao hita.

ZAVA-PANAO

  • Mpamosavy mandala fasam-bao, Zava-panao ka tsy aritra.

ZAVONA

  • Ny fanompoana tahaka ny Zavona, raha halavirina maizina, fa  raha akekena mazava.

ZAZA

  • Ny Zaza fito tsy mahatam-bady, fa ny fanahy fito no mahatana azy.
  • Zaza fito tsy mahafehy trano.

ZOKY

  • Zokim-bomanga: ny lehibe indray no milatsaka am-patana.

Créer un site gratuit avec e-monsite - Signaler un contenu illicite sur ce site