TAFA - TIA

TAFAHAONA

  • Tantely manatody amim-pary, Tafahaona samy mamy.

TAFAKATRA

  • Anjaingin’Imonjihasina no maha-Tafakatra ny Sakalava.

TAFANDRY

  • Tafandry manan-draharaha.

TAFILAMBA

  • Manefahefa tahaka ny Tafilamban’Andrefandrova.

TAFIN-KERINANDRO

  • Lamba tohiloha sy vary fahenimbary, Tafin-kerinandro sy hanin-kerinandro.

TAFINTOHINA

  • Tafintohina mandon-tavy ka merika ny andro.

TAHONY

  • Tahaka ny hady voanjo ny fanompoana, tsy ny momba ny Tahony ihany no atao an-karona, fa ny mipetraka amin’ny tany hohazan-tanana mba hamenoana ny harona.

TAHOTRA

  • Anaovana aro riaka raha mainandro, ny Tahotry ny lena raha fahavaratra.

TAIMBORAKA

  • Andevolahy diso rasa, ka ny Taimboraka no avadibadika.

TAINJIRO

  • Mikapa sakaiza hoatra ny andevolahikely homan-Tainjiro.

TAIN-TSOAVALY

  • Hanambady any Iarivo ve ka hierana, na Tain-tsoavaly aza no fahatelon-tanana.

TAKATRA

  • Ao ihany ny Takatra nihinana ny valala.
  • Ny Takatra no mahavita trano, ka ny vorondolo no mibohy.
  • Tranon-Takatra nidiram-borondolo, somban’ny olon-dratsy ny olon-tsy vanona.

TAKONA

  • Ny matory naman’ny maty; ny Takona naman’ny jamba.

TAKOTRA

  • Dihin-dRenibozy, ka  raha  tsy mahavaky takotra tsy mijanona.

TAKY TROSA

  • Taky Trosa amin’Andriana: Mahazo? “Trara-antitra tompoko”, Tsy mahazo ? « Trara-antitra tompoko ».

TAMBOLO

  • Tambolo fararano, ka indray miontana ihany.

TAMPOKA

  • Tampoka ela nikasana toy ny fahafatesana.

TANANA

  • Boka homan-jabora, ny Tanany no mihosina aloha.
  • Boka nangala-pary, ny fary tsy  azo, ny Tanana feno lay.

TANANA HAOLO

  • Fandrotrarana an-Tanàna Haolo, mandimby ray tsy satry.

TANAN-KANDRAY

  • Boka nandray Tanana, ny fanahy misy ihany fa ny Tanan-kandray no tsy misy.

TANDRANO

  • Raha hety ny atao, ny sahobakaka aza mampidi-dranon-ketsa, ny hazo Tandrano mody andevolahy.

TANDRIFINY

  • Ny fanompoana toy ny lanitra, samy miloloha ny Tandrifiny.

TANDROVINA

  • Ny maty no tsy alevina Alakamisy sy Alahady, ny velona no Tandrovina.

TANINA ANDRO

  • Tanina andro ririnina, kely no ananana azy.

TANIN-KETSA

  • Boka nandamakaTanin-ketsa, ny mandamaka leo ihany, fa  ny mamono dia no tsy tanty.

TANORA

  • Tanora nahita diavolana, ny an-tanana aza tsy zaka.

TANTELY

  • Mibolisatra amin’akondro, midaraboka amin-Tantely, izay ianjerana mamy avokoa.

TANY

  • Aza anganonganoina ny anaran-jaza ka atao Andrianoly, fa  raha  maty saro-Taniana.
  • Kalon’antitra, Tany no farany.
  • Aza mijery Tany avo avaratra.
  • Aza mitady tany malemy hanorenam-pangady.
  • Mandia Tany naleha toa fanoron’ny tsy mahay.

TAPAKA

  • Famaky Tapa-Jarana, ka manatona ny hazo! Lakana tapa-kofehy, ka manatona ny ony.
  • Mitsivalam-pandry ka Tapaka.
  • Raha eken-dRabevoho aza, raha tsy eken-dRafiara tsy Tapaka.
  • Tahaka ny jorery ny fanompoana, na dia Tapaka aza ny tongony, na afaka aza ny tanany, mbola mimenomenona ihany izy.
  • Lakana Tapa-kofehy ka manatona ny ony.
  • Dia saotra no atao anareo, mba tsy ho vaky lovia fararano, tsy ho banga nify voka-katsaka, tsy ho Tapa-tsalaka vory vahoaka.

TAREHY

  • Ilay boka mitikoa ody fitia: ny Tarehiko anie efa rava fa ny hataonao no sisa.
  • Aza ny Tarehy mavomavo no izahana, fa ny havany any dilam-bato.
  • Dovidovy endrika ka tian’ny olona hoharatsiana ary amboalambo Tarehy ka tian’ny kabary diavina.
  • Mitovy ny Tarehy fa ny famindra no samy hafa.
  • Ny Tarehy ratsy no tsy azo ovana, fa ny fanahy ratsy azo ovana ihany.
  • Ny Tarehy tsy mahaleo ny fanahy.

TAVY

  • Tafintohina mandon-tavy, ka merika ny andro.

TEFY ANGADY

  • Tefy angadin-dRainimanankiarana, ny tsy masaky ny antsoro atao vely manta, ary nony mivarotra, di any masak’arina ihany alaina.

TEFY VILIA

  • Tefy vilian-dRainiraony, ny an’olona vonjena ka ny an’ny tena atao tofefi-katoka.

TE-HODERAINA

  • Mitoto vary diavolana, ka Te-hoderain’ny akoho.

TE-HO MARO

  • Ny maty aza Te-ho maro.

TELO

  • Kotrik’akohon’Imasolahy, TELO mbamin’ny reniny.

TENANY

  • Fananga-mitohy ny trafony, ka mibaby soa hoan’ny Tenany.

TENDA

  • Rafotsibe nifia-pary, natao hahamando ny tenda, kanjo nampiepaka ny akanjo-nify.
  • Miangolangola toy ny Tenda fararano.

TENY

  • Ny Teny marina hoatra ny fia-pary, ka na lava aza tsy lany hamamiana.
  • Tenin’aina tahaka ny salak’Atsimondrova.
  • Teny atsipin’ny manam-panahy,koa raisin’ny mpisaina (mpahalala).

TERAKA

  • Miangatra hoy Itsarafihavy: vao teraka dia andevolahy ka atao Itsarafihavy.
  • Anosizato milalao, ary ny Terak’Ambohimanarina manetsa ririnina, fararano an-tanan-dany tsy mba vatry ny olon-tsy hanana azy, fa vatran’ny hanana azy.
  • Terak’omby fahavaratra, sady lalao no harena.

TERY

  • Be mangy miray fandriana any an-doha no TERY.

TIA

  • Malahelo Tia ady, mihaika fahaverezana.
  • Manankarena Tia ady, manely ny efa vory.
  • Tia be ka tsy nanokanany.
  • Izay Tia doka maty aloha eo am-bavahadin’ny fahavalo.
  • Ratsy ny Tia kely fa mamoaka ny ao an-tanana.
  • Manan-tsira ka mahay mahandro, Tiam-bady ka mahay miteny.
  • Tiam-bady ka mahay miteny.
  • Izay mahavangivangy Tian-kavana; malemy fanahy tratra am-parany.
  • Dovidovy endrika ka Tian’ny olona hoharatsiana ary amboalambo tarehy ka Tian’ny kabary diavina.
  • Rainitsimanetsa no mampirafy, ka Rainimarotiana no Tia vidy landy.

Créer un site gratuit avec e-monsite - Signaler un contenu illicite sur ce site