RABE - RAZI

RABEMALO

  • Mitery omby tsy mirohy hoatra an-dRabemalo, ho fatin’ny daka no farany.

RABEMILA

  • Fieran-dRabemila, sady miera no manao.

RABETSIRAVA

  • Rah any ondrin-dRabetsirava no mitondraka, vohay fa ondrin-kavana. Far aha ondrin-dRainimanira no mitondraka, orosy ny rambony sy ny sofiny.

RABEVITSIKA

  • Toram-poana tahaka an-dRangahy Andriandambo, nolalovan’ny vava basin-dRabevitsika.

RABEVOHO

  • Raha eken-dRabevoho, raha tsy eken-dRafiara tsy tapaka.

RABEVOINA

  • Raha fatin-drain’olona ataony hoe: “Raveboina rain’Ialahy”.

RADRAHONA

  • Lany maina hoatra ny laokan-dRadrahona.

RAERIKERIKA

  • Razavozavo sy Raerikerika, mandina miara-mandina, vazina miara-bazina.

RAFIARA

  • Raha eken-dRabevoho, raha tsy eken-dRafiara tsy tapaka.

RAFOTSIBE

  • Izaho no ataonao Rafotsibe manoham-bato.

RAFOZANA

  • Dedaka maty ondry, nefa tsy manome Rafozana.

RAHA HO LANY IHANY

  • Raha indrindra ho lany ihany ny paiso an-kady, avelao mba hirotsaka Ilambosalama.

RAHAMPITSO

  • Boka mievina, afa-drofy anio, fa mivindana Rahampitso.

RAHAVANA

  • Raha ho faty aho, matesa Rahavana; raha ho faty Rahavana, mates any omby.

RAHIVINA

  • Sikidin-dRahivina, raha tsy mifameno mifandiso.

RAIKI-PITIA

  • Raiki-pitia tamin’ny antitra hianao, mbola tia ka nilaozany maty; fa ny manina irery no mangozohozo.

RAINGY

  • Matahotra aho fa mivatsy Raingy.

RAIN’IALAHY

  • Raha fatin-drain’olona, ataony hoe: “Rabevoina rain’ialahy”.
  • Ny an-tratra tsy lavo, ka antsoy koe “Rain’ialahy”.

RAINIBANGO

  • Ny miara-komana no tsara Rainibango.

RAINIBESAHAFA

  • Antonony izay hoy I Rainibesahafa.

RAINIFANDROTRARANA

  • Miakanakana, hoy Rainifandrotrarana ka ny zanak’anabavy no atao saporitra.

RAINIKOTOAMBOA

  • Renimahaimanana no voatora-trano ka Rainikotoamboa no lava kiho.

RAINILAIZAFY

  • Sodin-drofian’I Rainilaizafy, midina lany vola folo, miakatra lany fatotra amam-pondrana.

RAINILITA

  • Miteny foana aho hoy Rainilita.

RAINIMANAFIKA

  • Fanambadian-dRainimanafika, ny mody tsy alaina mba tsara ihany.

RAINIMANANKIARANA

  • Tefy angadin-dRainimanankiarana, ny tsy asaky ny antsoro atao vely manta, ary nony mivarotra, dia ny masak’arina ihany no alaina.

RAINIMANIRA

  • Raha ny ombin-dRabetsirava no mitondraka, vohay fa ondrin-kavana. Fa raha ondrin-dRainimanira no mitondraka, orosy ny rambony sy ny sofiny.

RAINIMAROTIANA

  • Rainitsimanetsa no mampirafy, ka Rainimarotianano tia vidy landy.

RAINIRAONY

  • Tefy vilian-dRainiraony, ny an’olona vonjena, ka ny an’ny tena no atao tofefin-katoka.

RAINISALAMA

  • Kabarin-dRainisalama, ny lasa dia lasa ary ny sisa dia manaraka ihany.

RAINISAMBOADY

  • Antsiben-dRainisamboady, langan’ny an’olona, mandehandeha misedisedy,  ny an’ny tena tsy atao.

RAINISIMA

  • Diamangan-dRainisima, ny lavo mitsilany voa, vao manala vava.

RAINITSARALAFY

  • Handray vonona tahaka an-dRainitsaralafy.

RAINITSILOMBONINA

  • Varo-tako-dRainitsilombonina, ny tompony indray no mifandrombaka.

RAINITSIMANETSA

  • Rainitsimanetsa no mampirafy, ka Rainimarotiana no tia vidy landy.

RAIN’OLONA

  • Raha fatin-dRain’olona ataony hoe:” Rabevoina rain’ialahy”, ary raha fatin-drainy ataony hoe: “Ratompokolahy Ikaky”.

RAIVONDESO

  • Sambo-balalan-dRaivondeso, mbola eny an-danitra ka siahina, tsy mbola azo ka valalan-janako.

RAKALAFOHY

  • Rasa ombin-dRakalafohy, ny tompony indray no mandroba.

RAMALINA

  • Tsy misy toa an-dRamalina, fa mifehy hazo tokana.

RAMAROSIKINA

  • Miranirany tsy akapa toy ny antsin-dRamarosikina.
  • Ovin-dRamarosikina, tondrahana orana vao maty fotsy, sokirina vao miha-maintso.

RAMBO

  • Raha ondrin-dRabetsirava no mitondraka, vohay fa ondrin-kavana. Fa raha ondrin-dRainimanira no mitondraka, orosy ny Rambony sy ny sofiny.
  • Ny avona Rambon’amboa samy mijonjona ny azy.

RANDRANOBE

  • Manan-kantenaina toa an-dRanodranobe mandevina eranambatry.
  • Manantena tsy maty toa an-dRandranobe mifehy lavenona.
  • Omanomana ihany hoy Randranobe nitsako ronono.
  • Randranobe mampiady kary: “avelao hisy maty fa samy ahy”.
  • Randranobe no maty vary, ka Renindravola no mosarena.
  • Randranobe vaky sahafa, manatavy ny akohon’olona.
  • Randranobe voky hoditra: “tsy tiako mbamin’ny ao am-pahitra”.
  • Sikidin-dRandranobe, tsy ody faty fa ala-nenina.

RANGAHIBE

  • Rangahibe mampirafy, ka maty indray andro izy roa, ka hoy izy: “alaon’ny ato aho, alaon’ny aroa”.

RANGAHY

  • Famakiloha anaty katsaka, izay mitranga Rangahy avokoa.
  • Toram-poana tahaka an-dRangahy Andriandambo, nolalovan’ny vava basin-dRabevitsika.

RANO

  • Faly! Raha tong any rano fanala kenda.
  • Ny fanompoana toy ny rano an-kitsak’akoho, mitelo miefa-madinika.
  • Rano am-pasika, tsy nampoizina hisy ka nahazoana.

RANOMASO

  • Ranomaso tsy miaraka amam-paty.
  • Singam-bolo tsy mahafehy faty, Ranomaso tsy mahatana aina.
  • Mitady hivelona amin’ny Ranomason’olona hoatra ny lalitra mitsentsitra ny maso didy.

RANOMBARY

  • Amboakelin-dRazakabezafy, omen-dranombary tsy maty, k any volom-bodin’trano no lelafina.

RANON’ERIKA

  • Fitian-dranon’erika, madini-pihavy fa mahatondra-drano.
  • Aza manao fitian-dranon’erika, madini-pihavy fa mahatondra-drano; fa aoka asesiky ny fitia tanteraka ka tsy mahalala ranonorona ho lany.

RANON-KETSA

  • Raha hety ny atao, ny sahobakaka aza mampidi-dranon-ketsa.

RANON-TAMBIAZINA

  • Vorona diso farihy ka misoka amin-dranotambiazina.
  • Tsiriry diso farihy va hianao no miboboka Ranototambiazina?

RANONTRAMBO

  • Fitia Ranontrambo: be fihavy ka mora ritra; rano am-pasika: tsy nampoizina hisy ka manodoka.

RARA-BOASARY

  • Boka Rara-boasary, ny an’ny tena ihany, ka anambazan-kisasahana.

RARA-TSIFOTRA

  • Boka Rara-tsifotra, ny an’ny tena ihany no ananan-doza.

RASA

  • Andevolahy tsy mahatra-dRasa, any avara-tanàna vao mingoso anabavy.

RASAINA

  • Akoho no Rasaina ka famaky no tadiavina.

RASA OMBY

  • Rasa Ombin-dRakalafohy, k any tompony indray no mandroba.

RASA VOLANA

RATOMPOKOLAHY

  • Raha fatin-drainy ataony hoe:” Ratompokolahy Ikaky”.

RATSARAMIHANTA

  • Reniboto no lem-paka kitay, ka Ratsaramihanta no didimaso.

RATSIAVANGA

  • Sotroben-dRatsiavanga, sady fikapohana amboa no fangaroana anana.

RATSIMANDRESY

  • Mpanompon-dRatsimandresy efa nasandratra vao nihareraka.

RATSY

  • Soa Imananivo, soa min’ity. Ho Ratsy Imananivo, Ratsy amin’ity.

RATSY MIAFARA

  • Ratsy miafara toy ny fanoto, antitra vao kely anarana.

RATSY VAVA

  • Aza tsara vava fahavaratra, fa Ratsy vava ririnina.
  • Tovolahy mievina am-paty, sady tsy homba no miharatsy vava.

RAVAKA

  • Ny hatsaram-panahy no Ravaky ny vehivavy.

RAVIN’AVIAVY

  • Mampiady Ravin’aviavy, ny lehibe ihany no matanjaka.

RAVIN’AVARATRA

  • Raha izay iny ataoko tsy mahita Ravin’avaratra amiko.

RAY AMAN-DRENY

  • Ny Ray aman-dreny toy ny vody fahitra na soa na ratsy izay monja lazaina.

RAZAKABEZAFY

  • Amboakelin-dRazakabezafy, omen-dranombary tsy mety, ka volom-bodin-trano no lelafina.

RAZAVOZAVO

  • Razavozavo sy raerikerika, mandina miara-mandina, vazina miara-bazina.

RAZIHIZIHY

  • Dihin-dRazihizihy, sady tsy hirebika no tsy hanipy sandry, fa eo no mihoninkonina foana.

Créer un site gratuit avec e-monsite - Signaler un contenu illicite sur ce site