MITOETRA - MPITSITSY

MITOE-POANA

  • Rafotsibe mitorovoka eo an-doha-fasana, aleo ve hitoe-poana toy izay hitomany ireo maty be ao am-pasana.

MITOETRA

  • Akala-Mitoetra aho, raha mihohoka an’ny velona, fa raha mitsilany an’ny maty.

MITOHATRA

  • Mitery omby tsy Mitohatra, tsy hihemotra fa handroso.

MITOHY

  • Fananga-mitohy ny trafony, ka mibaby soa ho an’ny tenany.

MITOLONA

  • Borera sy voantay Mitolona, loha no amantarana azy.

MITOMANY

  • Hafahafa hoatra ny borizano ampihirain-tsy mahay ka nony Mitomany miolakolaka ny saha.
  • Didimaso Mitomany, ny vava ihany no sokafana dia vita.
  • Mitomany tsy vonoina hoatra ny didimaso.
  • Didimaso an-danonana, Mitomany mahita soa.

MITOMANY FATY/MATY

  • Rafotsibe mitorovoka an-doha-fasana, “aleo ve hitomoe-poana toy izay Hitomany ireo Maty be ao am-pasana”.
  • Tsy mba Hitomany ny Faty momoka izahay ary tsy mba hahatsiahy ny efa lasa.
  • Manadihady loza ka Mitomany tsy misy Maty.

MITOMBO

  • Ataovy Mitombo hoatra ny tohatr’omby afahavaratra, fa aza atao mihena hoatra ny trafon’omby ririnina.

MITONDR ADIDY

  • Mitondra Adidy amin’ny tsy atao hoatra ny fangalabola.

MITONDRAKA

  • Raha ondrin-dRabetsirava no Mitondraka, vohay fa ondrin-kavana; fa raha ondrin-dRainimanira no Mitondraka, orosy ny rambony sy ny sofiny.

MITONDRA KITAPO

  • Amboan-dReningadona, izay Mitondra Kitapo arahina daholo.

MITONDRA LOZA

  • Fanahy tsy voatsindry Mitondra loza.

MITONDRA NENINA

  • Fo tsy voalefitra Mitondra Nenina.

MITONO

  • Ingorofotsy Mitono sahondra, bokan’ny nataony.

MITORAKA

  • BOKA MItoraka volana alahamady, tsy mitady  ny ho arivo tratry ny taona, fa izay hahamando ny tratra ihany.

MITOROVOKA

  • Rafotsibe Mitorovoka eo an-doha-fasana: aleo ve hitoe-poana toy izay hitomany ireo maty be ao am-pasana.

MITOTO-BOZAKA

  • Lambo Mitoto-Bozaka, tsy mahita ny ora-manelatra.

MITOTO VARY

  • Mitoto vary diavolana ka te hoderain’ny akoho.
  • Mitoto vary atoandro, manala sahato ny akoho.
  • Mitoto vary lena, samy miady ho lohany avokoa.

MITRANGA

  • Manao filohan’Idraka, ny Mitranga ambarako avokoa.
  • Papangolahy anaty katsaka, izay Mitranga babony avokoa.

MITRENA

  • Ombilahy tsy Mitrena, ataoko adidin’ny fahitra.

MITRIATRA

  • Mpirahalahy mizara dian’omby, tsy vaky fa Mitriatra.

MITROTRO VARATRA

  • Mitrotro varatra, misakelika fantara, ka entiny miriatra.

MITSABO MARARY

  • Ilay Mitsabo Marary nalain-kanan-dratsy, ambaraky ny efa ho faty ka mbola tsaratsara ihany.

MITSAINGOKA

  • Ao ihany ny vano Mitsaingoka ny sahona.

MITSAITSAIKA FIHAVY

  • Mitsaitsaika Fihavy ny tsy manan-dreny, manao fihavim-pangady tsy miala, fa eo am-pototr’andry.

MITSAPA ALAHELO

  • Didimaso Mitsapa alahelo ka ny volo hivaha no sisa.

MITSENTSITRA

  • Mitady hivelona amin’ny ranomason’olona hoatra ny lalitra Mitsentsitra ny maso didy.

MITSIDIKA

  • Ny didin’Andriamanitra tahaka ny masoandro avy andrefana, Mitsidika isam-baravarana.
  • Songomby Mitsidika ka tsy efan-kalady.

MITSILANY

  • Diamangan-dRainisima, ny lavo  Mitsilany voa vao manala vava.
  • Akala-mitoetra aho, raha mihohoka an’ny velona, raha Mitsilany an’ny maty.

MITSIMOKA

  • Fanirim-pandrotrarana, ka vao Mitsimoka dia mivarina an-kady.

MITSINJAKA

  • Na midarona aza ny sandry, na manao lani-ala aza ny nify, ny tohiloha tsy azo enti-Mitsinjaka.
  • Tsy misy be alahelo tahaka ny maty vady, fa raha manitsaka androngo Mitsinjaka.

MITSINKASINA

  • Boka lavo an-tsihivitrana indray Mitsinkasina ihany.

MITSIPAKA

  • Aza Mitsipa-doha laka-nitàna.

MITSIRATSIRAKA

  • Ny maty no mampalahelo, fa ny volomason’ny velona Mitsiratsiraka ihany.

MITSIVALAM-PANDRY

  • Mitsivalam-pandry ka tapaka.

MIVALANA AM-PANDRIANA

  • Zaza Mivalana am-pandriana, voa rainy, voa reniny.

MIVALO FANAHY

  • Hivalo Fanahy tsy haditraaho, fa hanaraka ny efanareo.

MIVALON-KOTRAKA

  • Ny afahy tsy matavy, fa ny mamahy no Mivalon-kotraka.

MIVARAHONTSANA

  • Mivarahontsana hoatra ny vaviantitra mandre faty lavitra.

MIVARINA

  • Manao dian’omby jamba, ka Mivarina ihany.

MIVARINA AN-KADY

  • Fanirim-pandrotrarana, ka vao mitsimoka dia Mivarina an-kady.

MIVARO-BASY

  • Malagasy Mivaro-basy amim-bazaha, ka ny avy any aminy ihany no averina.

MIVARO-TANTELY

  • Boka Mivaro-tantely, ny zavatra amidy mamy ihany, fa ny tenany mivarotra mahaloiloy.

MIVAROTRA

  • Tefy angadin-dRainimanankiarana, ny tsy masaky ny antsoro atao vely manta, ary nony Mivarotra dia ny masak’arina ihany no alaina.

MIVERINA

  • Aleo mandroso ho faty toy izay Miverina ho may.
  • Ny tody tsy misy fa ny atao no Miverina.

MIVIDY

  • Boka Mividy somizy, ny haren-katao misy ihany fa ny hitafiana azy no fatratra.
  • Boka manankarena, mividiana alike mba hihinana ny sisa.
  • Faly sasaka toy ny Mividy hena fahavaratra.

MIVINDINA

  • Boka mievina, afa-drofy anio, fa Mivindina rahampitso.

MIVOADY

  • Antitra manara am-pandriana, Mivoady ny masoandro hiseho.

MIVOLANA

  • Miangatra ianao, taolan-doha hivolana.

MIVONKINA

  • Tsy misy na inona na inona hoatra ny totohondrin’Ikotomanana. Raha vao Mivonkina toa hahafaty omby, nefa nony mamely tsy mahafaty akohokely akory.

MIZAHA

  • Boka Mizaha lanonana, tsy isan’ny mpizaha lanonana, fa isan’ny vahoakan’andriana.
  • Manaketra-tena toy ny boka Mizaha fitaratra.

MIZARA HENAMASO

  • Famaky tsy omem-bozon-kena, ny tompony no tsy izaran-kenamaso.

MIZENJENA

  • Mizenjena hoatra ny lakan’Imozevo.

MIZIRIZIRY

  • Sikidim-boka, ny tokin’aina Miziriziry, fa ny aretina no hanapa-kozatra.

MODY

  • Fanambadian-dRainimanafika, ny Mody tsy alaina mba tsara ihany.
  • Ny hazo no lavo, ny zaram-pamaky no Mody andaniny.
  • Ny manam-panahy Mody voky fa ny adala mandrapaka ihany.
  • Halatr’ombin’Imahaka, Mody manao hoe: “hizahako ny havesany”.

MOLOLO

  • Dihy ambony Mololo, mihevotrevotra tsy mahay.
  • Fararano tsy manango-Mololo, ka lohataona vao mifako vodivary.

MONDRY

  • Tsimondrimondry atao ody boka, mandrenesa ry samy Mondry.

MONTOTRA

  • Mifanaka izany fa ny antsy hantsika, ny akala-Montotra.

MORA (MALEMY FANAHY)

  • Ataovy andry ombin’ilay Mora, ka ny aloha voasafosafo ary ny aoriana voakahankahana.

MORAINA

  • Toy ny aretina ny alahelo, ao ny Marainy, ao ny sarotina.

MOTRO

  • Efa afo ka vao Motro, efa rano ka vao mahetsaka.

MPAMENDROFENDRO

  • Ny tompon’alahelo leo ihany, fa ny Mpamendrofendro no tsy tanty.

MPAMOSAVY

  • Mpamosavy vao mpianatra ka mandeha diavolana.

MPANANATRA

  • Kamboty be kibo, ny haren-dany, ny tena tsy misy Mpananatra.

MPANANKARENA

  • Reniketaka Ambodinangavo, malaza ho Mpanankarena ka saran-dakana avy no enti-manala taona.
  • Aza manao ny Betsileo ho Mpanankarena raha mitafy arindrano, fa mikitamby harefo.

MPANARINA

  • Faly! Raha tonga ny rano fanala kenda; raha malahelo ka misy mpanony; raha lavo ka misy Mpanarina.

MPANARONA

  • Mirisarisa toy ny akoho boka, raha tonga tsy misy Mpanarona.

MPANAZAKAZAKA

  • Ny faty Mpanazakazaka, ny aretina vadin-koditry ny olombelona.

MPANDIMBY

  • Tsy ny farihy lelik’antsanga, fa ny farihy maty mamba, ny zanany no Mpandimby ny rainy.

MPANOMPO

  • Mpanompon-dRatsimandresy, efa nasandratra vao nihareraka.

MPANONY

  • Faly ! Raha tongan y rano fanala kenda ; raha malahelo ka misy Mpanony ; raha lavo misy mpanarina.

MPIANADAHY

  • Mpianadahy mita rano ka henatra ifanohanana.

MPIANALA

  • Mpianala tsy mahay, ka voasaringotry ny avaotra.

MPIANATRA

  • Mpamosavy vao Mpianatra ka mandeha diavolana.

MPIASA

  • Amboalambo tsy ampoka ka mihinana ny sisan’ny Mpiasa.
  • Mpiasa tsy mahavoky tena.
  • Mpiasa be kibo ka sahala ihany ny lany sy ny vita.
  • Tsy satrin’ny Mpiasa miherikerika, fa ny mpitondra hanina no mivezivezy.

MPIASABE

  • Mpiasabe manao hisasahana, ny an’ny tena indray no avela ho tany vao.
  • Mpiasabe miasa famoloana, mifamadika samy marina.

MPIRAHALAHY

  • Mpirahalahy mizara dian’omby, tsy vaky fa mitriatra.

MPIREBIKA

  • Amponga hain’ny mpandihy, ny antsa hain’ny Mpirebika.

MPISAINA

  • Teny atsin’ny manam-panahy, koa raisin’ny Mpisaina.

MPISAOTRA

  • Boka misy Mpisaotra, tao ihany fa navoakany.

MPITAN-DAMBA

  • Diamangan’Ambohimanarina, ny Mpitan-damba avy no voa.

MPITSITSY VARY

  • Mpitsitsy vary tsy manam-panoto, mba naman’ny mahandro be ihany.

Créer un site gratuit avec e-monsite - Signaler un contenu illicite sur ce site