MIHAI - MITETY

MIHAITRAITRA

  • Fanambadian’Isoamanaraka, raha Asian-tsoa Mihaitraitra, nony Asian-dratsy vao marin-toerana.

MIHALO-POZA

  • Boka Mihalo-poza, manosika azy hiverina.

MIHA MAINTSO

  • Ovin-dRamarosikina, tondrahana orana vao mety fotsy, sokirina vao Miha Maintso.

MIHANTA

  • Andriamatoa Mihanta ny ditra, Faralahy mandatsa ny nenina.

MIHARY

  • Ny tany no vadiben’ny Zanahary, Mihary ny velona, manotrona ny maty.

MIHAVANA

  • Fihavanan’I Mamoladahy, tsy mihavan-droa taona.

MIHAZAKAZAKA

  • Mihazakazaka ambany farafara, ka tsy misy hanamparana ny aina.
  •  Varo-bomangan’dRenisoa, enti-Mihazakazaka poritra, enti-miadana tsy mahatratra tsena.
  • Voalavo Mihazakazaka alina, tsy ny lalana no mahamaika, fa ny fanahy ratsy atao andro lava no mahamaody.

MIHENA

  • Ataovy mitombo hoatra ny tohatr’omby fahavaratra, fa aza atao Mihena hoatra ny trafon’omby ririnina.

MIHEVO

  • Boka Mihevo saha, ny mamono dia no sasatra.

MIHEVOTRA

  • Boka nahavoa vato, teo ihany fa Nihevotra.

MIHEVOTREVOTRA

  • Dihy ambony mololo, Mihevotrevotra tsy mahay.

MIHINAM-BARY

  • Matin-kena-maso ka Mihinam-barim-boka.

MIHINANA FOTSIMBARY

  • Andrianjafy nanao ny lalàna no Nihinana ny Fotsimbary.

MIHINAN-JABORA

  • Boka Mihinan-jabora, ny tanany no mihosina aloha.

MIHINAN-KITOZA

  • Boka Nihinan-kitoza, ny manala kaka no adiny.

MIHISITRISITRA

  • Tsy mba nijery tsy mba nandinika, nony tonga any an-trano vao Mihisitrisitra.

MIHITSIHITSY

  • Mihitsihitsy toa fandraka.

MIHOHOKA

  • Akala-mitoetra aho, raha Mihohoka an’ny velona, fa raha mitsilany an’ny maty.

MIHONINKONINA

  • Dihin-dRazihizihy sady tsy hirebika no tsy hanipy sandry fa eo no Mihoninkonina foana eo.

MIHOSINA

  • Boka human-jabora, ny tanany no Mihosina aloha.

MIKAVINA

  • Boka Mikavina, tsy haingo a fitehirizan-karena.

MIKENTRONA

  • Rangotra tsy Nikentrona fa nikoriana, fa raha Nikentrona izany dia boka.

MIKETRAKA

  • Raha ho dobo tsy sahy siny aho, dia Miketraka ho renirano.

MIKORIANA

  • Rangotra tsy nikentrona fa Nikoriana, far aha nikentrona izany dia boka.

MIKORONTANA

  • Hono  ry Andrian-tsy Vahoaka, ny ombilahy va no miady sa ny vatobe no Mikorontana? Tsy ny vato no Mikorontana, tsy ny ombilahy no miady, fa Andriantiazaza no maty.

MIKOTRANA FOANA

  • Mikotrana foana ny fandisa sy sahafa, fa ny vary ihany no toro.

MIKOTRIKA

  • Manamavo tena toy ny akoho Mikotrika.

MILALAO

  • Anosizato Milalao ary ny terak’Ambohimanarina manetsa ririnina, fararano an-tanan-dany tsy mba vatry ny olon-tsy hanana azy, fa vatry ny hanana azy.

MILA VOATSIARY

  • Mila voatsiary mangata-pary iray vany, ka mitady izay tsy hihavanana.
  • Mila voatsiary ka maka afo amin’ny maty.

MILOLOHA LANITRA

  • Ny fanompoana toy ny lanitra, ka samy Miloloha ny tandrifiny.
  • Miloloha Lanitra ka lena.

MILOLOHA TANTELY

  • Izaho misakeli-pary, mibaby akondro, Miloloha Tantely, izay entiko mamy avokoa.

MILOMANO

  • Boka Milomano, tafita vao torana.

MIMENOMENONA

  • Tahaka ny jorery ny fanompoana, na dia tapaka aza ny tongony, na afaka aza ny tanany, mbola Mimenomenona ihany izy.

MIMONOMONONA

  • Boka mangala-boatavo, hitondra roa Mimonomonona, hitondra iray tsy mahazaka.

MINDRAM-PANGADY

  • Mindram-pangady lohataona, ka maniraka ny tompony hiasa.
  • Ilay kamo Mindram-pangady: “Aza mahita anie aho”.

MINGODONA

  • Fihavim-panantana, tonga dia Mingodona.

MINGODONGODOM-PIHAVY

  • Mingodongodom-pihavy ny manan-dreny, manao fihavin’andriana, tsy miala afa-tsy avara-patana.

MINGOSO RENY

  • Boka nangala-tsira, any andrefan-tanana vao Mingoso Reny.

MINIA MATY

  • Minia maty ho maimbo.

MIONGO-BELONA

  • Ampananona no maty vady ka Ambohitrandraina no Miongo-belona.

MIONGO-BOLO

  • Renitsimandao no nahazo zaza, ka Renikotobobo no Miongo-bolo.

MIONTANA

  • Tambolo fararano ka indray Miontana ihany.

MIOZA

  • Tanan-tsy Mioza, ka enti-mitsabaka.

MIPETRAKA AMIN’NY TANY

  • Tahaka ny hady voanjo ny fanompoana, tsy ny momba ny tahony ihany no atao an-karona, fa ny Mipetraka amin’ny tany hohazan-tanana, mba hamenoana harona.

MIPOA-BASY

  • Mipoa-basy an-dohasaha, miati-drohona ho an’ny tena.

MIRAHARAHA

  • Fasana: ny avy any ivelany indray no Miraharaha ny tompon-trano.

MIRAIKITRA

  • Antsontsany hoatra ny fihinanana fadin-kena, hanina mafana mandoro, hanina mangatsiaka Miraikitra amin’ny lanilany.

MIRANIRANY

  • Miranirany tsy akapa toy ny antsin-dRamarosikina.

MIRAVAKA NY NIFINY

  • Ny Betsimisaraka no namono ny mamba ka ny Sakalava no Miravaka ny Nifiny.

MIRAY FANDRIANA

  • Be mangy Miray Fandriana, any an-doha no tery.

MIRAY TRANO

  • Tsingala sy dinta, raha Miray Trano loza, ary raha mifanaikitra antambo.

MIREBIKA

  • Aza Mirebika ao an-tampon’ny loza.
  • Aza Mirebika antsan’olona.
  • Dihin-dRazihizihy sady tsy Hirebika no tsy hanipy sandry fa eo no mihoninkonina foana eo.

MIREHODREHOKA

  • Toy ny aretin’omby ny teny, izay Mirehodrehoka ihany no ifindrany.

MIRIATRA

  • Mitrotro varatra, misakelika fantara, ka entina Miriatra.

MIRISARISA

  • Mirisarisa toy ny akoho boka, raha tonga tsy misy mpanarona.

MIROHY

  • Mitery omby tsy Mirohy hoatra an-dRabemalo, ho fatin’ny daka no farany.

MIROTSAKA

  • Oram-pararano, rehefa mitandrify dia Mirotsaka.

MISA

  • Misa roa toa fatin-jaza, sady atsimon-trano no am-pasan-drazana.

MISAKELIKA FANTARA

  • Mitrotro varatra, Misakelika fantara, ka entina miriatra.

MISAKELI-PARY

  • Izaho Misakeli-pary, mibaby akondro, miloloha tantely, izay entiko mamy avokoa.

MISALAKA

  • Kely Misalaka hoatra fanjaitra.

MISAMBASAMBA

  • Misambasamba tsy hisara-mianakavy, kanjo manary havana boka.

MISAMBO-BALALA

  • Boka Misambo-balala, mamely totohondry ny tany.

MISAROM-BAVA

  • Raha hitsangan-tsy mahay, tsy mahaleo ny misonenika am-pitoerana; ary raha hiteny tsy hinoan’ny olona, ny Misarom-bava tsaratsara kokoa.

MISATROKA

  • Mahin’inona no Misatroka am-parihy.

MISATRY FANAHY

  • Aza Misatry Fanahy am-pandosirana, fa ny tena ihany no trany.

MISEDISEDY

  • Antsiben-dRainisamboady, langan’ny an’ny olona, mandeha Misedisedy, ny an’ny tena tsy atao.

MISEHO

  • Toy ny fandiorano ny ratsy, Miseho tsy menatr’olona, misitrika tsy valahara.

MISIKIDY

  • Boka Misikidy, ny tokin’aina tsara ihany, fa ny hasoavana tsy misy intsony.
  • Tsy hita lavadavaka hoatra ny boka Misikidy rantsana.

MISIONA

  • Varotr’Imampiadana, ho eo ihany ka ilaozany Misiona.

MISITRIKA

  • Toy ny fandiorano ny ratsy, oa miseho tsy menatr’olona, Misitrika tsy valahara.

MISOKA

  • Vorona diso farihy, ka Misoka amin’ny ranon-tambiazina.

MISÔMA

  • Varotr’Imampiadana, ho eo ihany ka ilaozany Misôma.

MISONENIKA AN-TOERANA

  • Raha hitsangan-tsy mahay, tsy mahaleo ny Misonenika an-toerana (am-pitoerana), ary raha hiteny tsy hinoan’ny olona, ny misarom-bava tsaratsara kokoa.

MITADY NY TSY HITA

  • Aza Mitady ny tsy Hita tahaka an’Andriampolo.

MITAFY ARINDRANO

  • Aza manao Betsileo ho mpanankarena raha Mitafy Arindrano, fa mikitamby harefo.

MITAITAY

  • Aza Mitaitay ny banga, fa hoditra no hifanaikerana.

MITAIZA ZAZA

  • Nitaiza zaza boka ka lehibe vao tsy azo ho namana.

MITANA HAFATRA

  • Ny papelika no maro vava, Mitana ny Hafatry ny Ntaolo.

MITANDRIFY

  • Oram-pararano, rehefa Mitandrify dia mirotsaka.

MITANINA ANDRO

  • Mandevina endrika toy ny boka Mitanina Andro.
  • Mifanaratsy an-toerana hoatra ny vaviantitra Mitanina Andro.
  • Sola Mitanina Andro, ny loha efa mahamay fa ny tena mbola mangatsiaka.
  • Zaza naira-nilalao izahay, antitra naira-nitanin’andro, ka izay nalehany hitako avokoa.

MITATATRA

  • Iza no hitatatra ho an-dRainilaizafy?
  • Mitatatra am-pasika ka manabe vava ny ony.

MITATRA

  • Dridran’Isoamanaraka, asiana ody vao mitatra.

MITEHAKA

  • Tsy misy mafy noho ny maty anaka, far aha kekerin’ny moka Mitehaka.

MITELO

  • Ny fanompoana hoatra ny rano an-kitsak’akoho, mitelo miefa-madinika.

MITENDA

  • Miangolangola Mitendan’akoho fararano, ny akotry tsy tiana k any bibikely no tadiavina.
  • Miangolangola Mitenda fararano, ny vary tsy lany, ka anana indray no tadiavina.

MITENY

  • Manan-tsira ka mahay mahandro, tiam-bady ka mahay Miteny.

MITENY FOANA

  • Miteny foana aho hoy Rainilita.

MITERAKA

  • Ondrin’Ibesa, raha maty soloana, raha Miteraka tsy omena azy ny zanany.

MITERA-PAHAFITO

  • Bibilava fahaenina Mitera-pahafito, ka manantombo refy noho ny reniny.

MITERY

  • Miadan-dratsy toy ny boka Mitery.

MITERY OMBY

  • Mitery omby mitohatra, tsy hihemotra fa handroso.
  • Mitery omby tsy mirohy hoatra an-dRabemalo, ho fatin’ny daka no farany.

MITETY

  • Valam-parihy tsara hatsaka, na kely aza Mitety torankovitra ihany.

MITETY RENY

  • Aza manao fary Mitety Reny.

Créer un site gratuit avec e-monsite - Signaler un contenu illicite sur ce site