HADI- - HODI-

 

HADINO

  • Nidiran’angano fa ny faty halevina indray no Hadino.

HADIVORY

  • Hadivorin’Andrianentoarivo: marivo loatra afaky ny tafika, lalin-doatra fandriky ny tena.

HADY VOANGORY

  • Hady voangorin’Ifiadanamanga, zara fa tsy lohany no voa.

HADY VOANJO

  • Tahaka ny Hady Voanjo ny fanompoana, tsy ny momba ny tahony ihany no atao an-karona, fa ny mipetraka amin’ny tany hohazan-tanana mba hamenoana harona.

HADY VOMANGA

  • Hady Vomangan’Ikirijavola, ny voamasony ihany no potsirina.

HAFALIANA

  • Ny hatezerana misy famavany, ny Hafaliana misy elanelany.

HAFATESANA

  • Hafatesana tsy heloka, havelomana tsy hitsiny.

HAFATRY NY NTAOLO

  • Ny papelika no maro vava, mitana ny Hafatry ny Ntaolo.

HAFETSENA

  • Laly antitra manao lelik’asa, matin’ny Hafetsena.

HAINANDRO

  • Hainandro hariva ny avo ihany no trany.
  • Ny Hainandro ny avo ihany no vonjeny.

HALA

  • Halako ny ela fa mahatonta ny soa.
  • Aon y tsy tiana fa manana, ao ny Hala fa malahelo.

HALADY

  • Ny sanatria tsy mahafehy loza, ny Halady tsy mahafaka ny fahafatesana.
  • Fihavanan’I Vonizongo sy Avaradrano: raha mankany Vonizongo, kisoa no fahana, fa raha mankany Avaradrano, patsa kely fenoin-kalady.
  • Songomby mitsidika ka tsy efan-kalady.

HALAM-PATANA

  • Halam-patana sy tonom-bomanga, ka na dia tsy mivady aza mifandabodaboka.

HALATR’ONDRY

  • Halatr’ondrin’Imahaka, mody manao hoe: “hizahako ny havesany”.

HALAVIRINA

  • Ny fanompoana tahaka ny zavona, raha Halavirina maizina, fa raha akekena mazava.

HALAVOANA

  • Boka miantsena tsy manam-barotra, ka matiantoky ny Halavoana.

HALINA

  • Voalavo mandositra andro, mahin’ny fanahy ratsy Halina.

HAMAINTISANA

  • Dokodahy nisasa, ny tseroka no afaka, fa ny Hamaintisana tsy miova.

HAMBOM-PO

  • Tsy Hambom-pon’ny fahatanjahana, fa ny tena ihany no trany.

HAMBOSY

  • Aza mety Hambosin’Ikoto fankaota, vorombe samba, fahatelobe tsy mampanana.

MANAMAVO TENA

  • Manamavo tena toy ny akoho mikotrika ambany farafara.

HANAMBADY

  • Hanambady any Iarivo ve ka ierana, na tain-tsoavaly aza no fahatelon-tanana.

HANAMBE

  • Ny mandry maraina tsy mba hanana, fa ny mifoha maraina Hanambe.

HANAMPARANA NY AINA

  • Mihazakazaka ambany farafara, ka tsy misy Hanamparana ny aina.

HANANA AZY

  • Anosizato milalao ary ny terak’Ambohimanarina manetsa ririnina, fararano an-tanan-dany, tsy mba vatry ny olon-tsy Hanana Azy, fa vatran’ny Hanana Azy.

HANAO BE

  • Malahelo be fatambary hianao, Hanao Be: izany no tsy nampanana anao!

HANAO KELY

  • Malahelo be fatambary hianao, Hanao Kely, toa maty fahavelona!

HANINA

  • Antsontsony hoatra ny fihinanana fadin-kena, Hanina mafana mandoro, Hanina mangatsiaka miraikitra amin’ny lanilany.
  • Hanina azy toy ny boka nananiboara.

HANIN-KERINANDRO

  • Lamba tohy loha sy vary fahenimbary, tafin-kerinandro, hanin-kerinandro.

HANTSIKA

  • Mifanaraka izany, fa ny antsy Hantsika, ny akala-montotra.
  • Omby Hantsika (miditra eto).

HARAFESINA

  • Antsibe latsaka an-dobo, raha ilaozana Harafesina

HARATSIAM-PANAHY

  • Mba Haratsiam-panahin’izay olona re izany.

HARATSIANA

  • Dovidovy endrika ka tian’ny olona ho Haratsiana, ary amboalambo tarehy ka tian’ny kabary diavina.

HAREFO

  • Aza manao ny Betsileo ho mpanankarena raha mitafy arindrano, fa mikitambo Harefo.

HAREN-KITA

  • Tsar any Haren-kita fasana.

HARIVA

  • Ny andraso kely no mahariva ny andro.
  • Fatambary Hariva ka tsy azo sakanana intsony.
  • Tsy azon-tsapona toy ny fatambary Hariva.

HARONA

  • Tahaka ny hady voanjo ny fanompoana, tsy ny momba ny tahony ihany no atao an-karona fa ny mipetraka amin’ny tany hohazan-tanana mba hamenoana harona.

HARON-TABEBAKA

  • Anarany ihany hoatra ny Haron-tabebaka.

HATANORANA

  • Ny hatanorana tsy ody faty fa samy ho faty avokoa.

HATOKA

  • Tefy vilian-dRainiraony, ny an’ny olona vonjena , ka ny an’ny tena atao tofefi-katoka.

HATRIZAY

  • Tsy mbola farofy aho Hatrizay nahabokako.

HATSARAM-PANAHY

  • Ny Hatsaram-panahy no ravaky ny vehivavy.

HAVELOMANA

  • Hafatesana tsy heloka, havelomana tsy hitsiny.

HAVESANY

  • Halatr’ondrin’Imahaka, mody manao hoe: “ hizahako ny Havesany”.

HAVOKISANA

  • Alahelo fararano, ka very dian’ny Havokisana.

HAZAKAZAKA

  • Tsy ny dia manendrika no atao fa izay hazakazaka an-tsena foana no aseho.

HAZO

  • Hazo boron-kazon-dandy.
  • Famaky tapa-jarana ka manatona ny Hazo.
  • Maro ihany ny Hazo, fa ny fary no mamy.
  • Niolaka ny vato aho, novatoiny, niolaka ny Hazo aho, nohazominy, maty Ikakibe vao navelany aho.
  • Ny Hazo no vanon-ko lakana, ny tany naniriany no tsara.

HAZO BAKA

  • Tsy misy Hazo Baka mahatohana ny lanitra, na befelatanana mahatakona ny masoandro.

HAZO MAHITSY

  • Ny rariny toy ny nofy, tsy azo tsy anaty fandriana ary toy ny Hazo Mahitsy, ka tsy hita tsy anatin’ny ala.

HAZON’ANDRIANA

  • Andevolahy nianala, ny Hazon’Andriana tsy tonga fa ny fanoto no lanjalanjaina.

HAZON-DANDY

  • Hazo boron-kazon-dandy.

HAZO TOKANA

  • Tsy misy toa an-dRamalina fa mifehy Hazo Tokana.

HEHY

  • Diamangam-boka, Hehy no farany.

HENA

  • Faly sasaka toy ny mividy hena fahavaratra.
  • Aza mitomany Hena momba famaky.

HENA MASO

  • Matin-kenamaso ka mihinam-barim-boka.
  • Famaky no tsy omem-bozon-kena, ny tompony no tsy izaran-kenamaso.

HENDRY

  • Raha mananatra ny Hendry, ny ao an-tsaina be, ny an’ny olona alainy koa.

HERINANDRO

  • Lamba tohy loha sy vary fahenimbary, tafin-kerinandro, hanin-kerinandro.
  • Lon-damba sy fahenimbary, izay maharitra ela no Herinandro.

HERY

  • Ny Hery tsy mahaleo ny fanahy.

HIDINANA

  • Ingorifotsy manjono, ka raha tsy miakatra dia Hidinako.

HIERANA

  • Hanambady any Iarivo ve ka Hierana, na tain-tsoavaly aza no fahatelon-tanana.

HIFANERENA

  • Tsy varotr’alika io ka ndeha Hifanerena.

HIHAVIAN’NY SOA

  • Didy maso asiana ody, mahareta fa Hihavian’ny soa.

HISASAHANA

  • Boka rara-boasary, ny an’ny tena ihany, ka anambazan-kisasahana.

HITA

  • Zatovo mandry maraina, bongo maso vao Hita.

HITSAK’AKOHO

  • Ny fanompoana tahaka ny rano an-kitsak’akoho, mitelo miefa-madinika.

HITSANGAN-TSY MAHAY

  • Raha Hitsangan-tsy mahay, tsy mahaleo ny misonenika am-pitoerana, ary raha hiteny tsy hinoan’ny olona ny misarom-bava tsaratsara kokoa.

HITSIKITSIKA

  • Mandihiza ray Hitsikitsika, hianaranay raha fararano.

HITSIN-DALANA

  • Ny songomby no manao hitsin-dalana k any tokandia no mamitravitra.

HIVALO

  • Bibilava vonoina, tsy manan-tanan-kamaly, tsy manan-tongotra hitsipaka, tsy manam-bava Hivalo, fa todin’aina no andrasana.

HIZAHANA

  • Halatr’ondrin’Imahaka, mody manao hoe: “Hizahàko ny havesany”.

HODIDININA

  • Sadikan’ny fanahy ny tena, ny manao azy ihany no Hodidininy.

HO FATY

  • Ny Ho Faty tsy mba miera.
  • Ala nenina amin’ny Ho Faty ny fanafody.
  • Aleo Ho Faty ampitso toy izay Ho Faty anio.

HOHAZAN-TANANA

  • Tahaka ny hady voanjo ny fanompoana, tsy ny momba ny tahony ihany no atao an-karona, fa ny mipetraka amin’ny tany Hohazan-tanana mba hamenoana harona.

HOHO

  • Boka lavo an-tsihivitrana ka nambakain’ny Hohony.

HOMAM-BE

  • Homam-be tsy matavy toa fanoron-dratsy.

HOMAN-DRONONO

  • Mifady fotsy ka Homan-dronono.

HOMAN-JABORA

  • Didy maso Homan-Jabora, ka samy fotsifotsy be ihany.
  • Boka Homan-jabora, ny tanany no mihosina aloha.

HOMAN-JAVATRA

  • Dokotra homan-kabakabaka, homan-java-tsy mahavoky ny tena.

HOMAN-KABAKABAKA

  • Dokotra Homan-kabakabaka, homan-java-tsy mahavoky ny tena.

HOMAN-KEROTRA

  • Botry Homan-kerotra, vasoka homan-kitoza.

HOMAN-KITOZA

  • Botry homan-kerotra, vasoka Homan-kitoza.

HO VERY

  • Ala nenina amin’ny Ho Very ny lositra.

HOVITRA

  • Valam-parihy tsara hatsaka na kely aza mitety toran-kovitra ihany.

Créer un site gratuit avec e-monsite - Signaler un contenu illicite sur ce site